SOLUCIÓNS A MEDIDA
Dada a gran flexibilidade do equipo de Quadralia levamos a cabo proxectos de desenvolvemento web, software de escritorio a medida, redacción, xestión e dirección de proxectos TIC, que permiten crear ferramentas adaptadas ás necesidades específicas de cada un dos nosos clientes.
TRAZABILIDADE DO PRODUTO
A trazabilidade do produto é un conxunto de medidas, accións e procedementos que permiten rexistrar e identificar cada produto desde a súa orixe até o seu destino final. É dicir, é "a posibilidade de atopar e seguir o rastro, a través de todas as etapas de produción, transformación e distribución dun determinado produto".
LOCALIZACIÓN E XESTIÓN DE FROTAS
Se a súa actividade esta relacionada co transporte por terra ou mar, mediante a tecnoloxía GPS podemos localizar case calquera obxecto sobre a terra. Esta posibilidade permite unha infinidade de aplicacións para unha mellor xestión da súa empresa.
FORMACIÓN
Quadralia ofrece unha completa gama de solucións formativas, integrando as mesmas no plan estratéxico da súa compañía:
- Formación presencial.
- Formación en liña (e-learning).
- Formación in situ (workplace learning): con formador no seu lugar de traballo.
PROXECTOS TÉCNICOS DE TELECOMUNICACIÓNS PARA A EDIFICACIÓN (ICT)
Quadralia ten un Departamento de Enxeñaría especializado na redacción e execución de Proxectos ICT para a edificación. Os servizos que lle ofrecemos aos nosos clientes son:
- Redacción do Proxecto Técnico acorde á normativa vixente
- Dirección de Obra
- Certificación da instalación de ICT
En Quadralia proporcionamos un produto de calidade xerado integramente para a industria da construción que proporciona un importante aforro durante a fase de obra e aumenta o valor final da promoción.